TKKM o Taumarere Northland

Kaiako Wharekura

Ko te reo te mauri o te mana Māori - Tā Himi Henare.

E ngā mana, e ngā reo, e ngā kārangaranga maha o te motu, tēnā koutou katoa.

Kua wātea mai he tūranga kaiako i roto i tō mātou wharekura (Tau 7 - 13). He tūranga pūmau tēnei.

E rapu kaiako ana mātou e kaingākau ana ki ngā mahi whakaako ākonga, e whakapau kaha ana kia tupu ora ai ngā ākonga i roto i te kura, e mōhio nei ko te whakatupu i te tika, te pai me te aroha ki roto i te ākonga te whāinga matua kia tū pakari, tū rangatira ai rātou i roto i ō rātou ake nei ao.

E rapu kaiako ana mātou ka whakahīkaka i te wairua o wā mātou ākonga ki te tūhura i tō rātou ao, ki te wero i ngā kaupapa maha o te wā, ā, kia rongo i te wairua pai ki ngā mahi ako.

E rapu kaiako ana mātou e tāea ana te poipoi i te pitomata o te ākonga kia puta katoa mai ngā hua papai o te ako mā te whakaako i ngā kōrero tuku iho o tā mātou rohe me te whānuitanga o te marau anō hoki.

He mea nui kia mōhio hoki te kaitono ki ngā āhuatanga o te NCEA, ā, mēnā he pūkenga kei roto i ngā mahi pāngarau, te reo Matatini, te pūtaiao rānei- ka mīharo rawa!

Mehemea kei a koe tēnei momo, ēnei pūkenga - whakapā mai!