TKKM o Toku Mapihi Maurea Waikato

Pouako

I whakatūria tēnei kura i runga anō i ngā mātāpono o Te Aho Matua.

E rapu ana mātou i tētehi pouako hei ārahi i tētehi wāhanga o tō tātou kura (Kura Tuākana, Kura Tēina rānei). Ko te tūmanako he kaiako matatau ki te reo Māori, matatau ki te whakaako, ā, kua hāpai kē te tangata i tētehi tūnga pēnei. Ko te hiahia kei a ia ngā pūkenga hei whakakotahi i ngā kaimahi kia kotahi te hoe o te waka mā te:

- mahi tahi ki ngā kaimahi, ngā ākonga, ngā whānau

- te whakamahi i ngā pukenga o tēnā, o tēnā hei painga mō te katoa

- te whakatairanga i tō tātou reo rangatira me ngā tikanga a kui mā, a koro mā

- te whakahau i ngā huarahi ako e tika ana mō ngā ākonga katoa

- te hāpai me te whakatinana i ngā uara o te kura

- te whai whakaaro ki ngā akoranga hou kia tū pakari ai hei pouako

- te ngākau wana ki te ako

- te poipoi i ngā ākonga me ngā āhuatanga ako katoa

- te mahi ngaio.

Me whai rēhitatanga te pouako.