Kaiako Wharekura – Hangarau

E karangahia ana he kaiako kua mātanga ki ngā āhuatanga o te Hangarau, kua tau te reo Māori ki tōna arero, kua mau hoki ki ngā tikanga me ngā mātāpono o Te Aho Matua.

Ko tā te kaiako he whakatō i te whakaaro auaha, he whakakaha i ngā pūkenga waihanga, kia mārama ai ngā mokopuna ki te hononga o te whakaaro, o te mahi, o te hua ka puta. Kia mōhio ki te whai i ngā mātauranga a ngā tūpuna, me te āta whiriwhiri i ngā painga o ngā hangarau o nāianei hei oranga mō te iwi.

Ngā pūkenga me ngā kawenga matua:

• Te whakatakoto kaupapa ako e ū ana ki Te Aho Matua me Te Marautanga o Aotearoa.
• Te ārahi i ngā mokopuna ki te whakatauira, ki te hoahoa, ki te waihanga, ki te whakamātau, ki te whakapai ake i ā rātou mahi.
• Te whakawhanake i te whakaaro arohaehae, te auahatanga me te āhei ki te whakatau rapanga.
• Te whakahāngai i ngā mātauranga tuku iho ki ngā mahi hangarau o ēnei rā.
• Te whakatipu i te māia me te mana motuhake o ngā mokopuna ki te kawe kaupapa mai i te tīmatanga ki te whakatutukitanga.
• Te whakahaere i ngā aromatawai me ngā whakaritenga NCEA e hāngai ana.
• Te whakaū i ngā tikanga haumaru me te tika o te whakamahi taputapu, rawa hoki.