Wharekura – Kaiako Pūtaiao

Wharekura – Kaiako Pūmau | Pūtaiao

He tūranga tēnei e wātea ana ki tētahi kaiako mātanga ki te Pūtaiao, e matatau ana ki te reo Māori, e mōhio whānui ana ki ngā tikanga me ngā mātauranga tuku iho, ā, ko Te Aho Matua te tūāpapa o āna mahi whakaako.

Kia taunga ki te whakakotahi i te mātauranga Māori me te mātauranga pūtaiao, hei whakaohooho i te pākiki o ngā mokopuna, hei whakakaha aheinga uiui, ki te tūhura, ki te whakamātau, ki te whai māramatanga ki ngā āhuatanga o te ao tūroa.

Ngā pūkenga me ngā kawenga matua:

• Te whakatakoto akoranga Pūtaiao e ū ana ki Te Aho Matua me Te Marautanga o Aotearoa.
• Te whai wāhi mai o te mātauranga Māori, ngā kōrero tuku iho me ngā tirohanga ā-iwi ki ngā akoranga.
• Te ārahi i ngā mokopuna ki te mātaki, ki te rangahau, ki te whakamātau, ki te whakatakoto whakatau i runga i ngā taunakitanga.
• Te whakapakari i te whakaaro arohaehae, te wetewete take me te kimi rongoā.
• Te whakarite i ngā aromatawai me ngā whakaritenga NCEA e hāngai ana.
• Te kawe i ngā akoranga ki te taiao kia kitea, kia rangona, kia mārama ai ngā mokopuna ki ngā āhuatanga o te ao e noho nei rātou.
• Te mahi ngātahi me ngā whānau, ngā kaimahi me ngā mātanga hei whakawhānui i ngā wheako ako.