Tumuaki/Poutoko

E tū ana Te Kura Kaupapa Motuhake o Tawhiuau ki te tāone o Murupara. E poipoi ana te kura i ngā uri o ngā tau 1 ki te 13. Nō te tau 2000 te kura i whakatūngia ai hei kura āhuatanga motuhake e whakarato ana i te mātauranga rumaki reo Māori, mā te aro nui ki ngā wawata o Ngāti Manawa. Koia nei te kura ā-iwi tuatahi i Aotearoa, ā, e whakamana nui ana i te whai pānga o te tukuihotanga ki te waiora o ngā uri, ngā whānau, me ngā hapū.

Ka tū ngā ākonga hei uri o Ngāti Manawa, ā, he ngākau titikaha ō rātou ki te whakaatu i tō rātou mana motuhake ā-hinengaro, ā-mātauranga hoki mā te whānuitanga o ngā tūmomo horopaki.

Kei te rapu mātou i tētahi Poutoko (Tumuaki) whakaaweawe, eke taumata anō hoki, hei whakarato whakakitenga, hei tauira whakapakari mātauranga mō ā mātou kura. Ko te tūmanako kia matua mōhio te tangata i ngā āhuatanga o Ngāti Manawatanga. Me kaha ia ki te honohono atu ki te whānau, hapū, iwi otirā ki te hapori o Murupara. Me Māori te arero, te whakaaro, te ngākau hoki.

Kua tau mai te whakaaetanga ki tēnei kura ki te kimi Poutoko i runga i te tikanga Tahua Tumuaki (Principal Recruitment Allowance PRA). E tika ana kia whakatutukihia ngā paearu māraurau o taua tikanga e te kaitono. Ka riro mā tētahi kaitohu motuhake kē aua paearu e whakatau i tua atu o te kupu whakawhiwhi Poutoko a te Poumarumaru o te kura. 

Tirohia ētahi atu mōhioranga PRA ki: Principals Recruitment Allowance.