Kaiako Kura Tuakana Tau 7–Tau 11

E rapu ana mātou o Whare Kura Morehu o Ratana i tētahi kaiako ki te whakakī mai i tētahi tūranga kaiako ka tīmata i te wāhanga tuatahi 2027.

Ko ēnei kupu kōrero nā tō mātou pāpā, nā Tahupotiki Wiremu Ratana i te tūwheratanga o tō mātou kura:

"Koia e inoia ake nei kia haere te Atua ki mua i ā tātou tamariki, kia mōhio ai ki ngā mahi e whāwhā ai ngā ringa, e kōrero ai te waha, e rongo ai ngā taringa, e kite ai ngā kanohi; otirā, ahakoa he aha te ahua o te mahi, e tumanakohia ana, kei reira ano te Hā o te Atua."

Kei te kimi mātou i tētahi Kaiako Kura Tuakana e ngākau nui ana ki te poipoi i ngā tumanako Morehu WAIRUA o te kura, te ārahi me te whakaako i ā tātou ākonga kura tuakana (Tau 7–11). Ko te tangata e hiahiatia ana:

• He tangata e matatau ana ki te reo me ngā tikanga.

• He tangata e mātau ana ki te ao mātauranga me ōna marautanga, te whakapakari i ngā tūāpapa o te ako, me te whakawhanake i ngā tamariki kia whai wheako ai rātou ki te eke ki roto i te NCEA, ā, e mātau ana ki Te Reo Rangatira, Te Ao Haka, me te Hākinakina. Me mōhio hoki te kaitono ki te whakahaere me te whakaako i te Marautanga o Aotearoa.
• He tangata ngākau nui ana ki te ahurea o Whare Kura Morehu o Ratana