Kaiako – Tauhou / Tau 3–4 Rānei

E kimi ana mātou i tētahi kaiako pūmau e āhei ana ki te whakaako i ngā wāhanga ako mā te reo Māori, hei tautoko i tā mātou wawata kia pakari ā mātou tamariki ki te kōrero, ki te pānui, ki te tuhituhi i te reo Māori me te reo Pākeha.

Ko te taumata ako ko te Tauhou / Tau 1, ko te Tau 3 / Tau 4 rānei. Tēnā, tohua mai tāu e hiahiatia ana i roto i tō tono.

E hāngai ana te hōtaka mō te akonga Tauhou / Tau 1 ki te Marautanga o Aotearoa. Ko te hōtaka mō ngā Tau 3 – 4 ka whai wāhi ki te Marautanga o Aotearoa me te Mātaiaho.

E kimi ana mātou i tētahi kaiako:

• E āhei ana ki te whakaako i ngā wāhanga ako mā te reo Māori, me te āta tautoko i ngā ākonga ki te whakawhanake i te reo e hiahiatia ana mō te ako, te whakaaro me te whakawhiti kōrero.
• E whakaatu ana i ngā hononga e arotahi ana ki te ako, i waenga i te kaiako, i ngā ākonga me ō rātou whānau.
• E whakapono ana ki te pitomata o ia ākonga, e whai ana i ngā taumata teitei, ā, e tautoko ana i a rātou kia angitu.
• E ngākau nui ana ki te mahi ngātahi, ki te whakawhiti whakaaro, ki te ako me te tipu tahi me ētahi atu.
• He ngākau māhaki, he wairua ngahau tōna, ā, ka whai wāhi pai ki tō mātou hapori kura.
• E ū ana ki te whakapakari i te whakaako me te ako mā te reo Māori, me te tautoko i te whanaketanga reo rua o ngā tamariki.