Kaiako Wharekura

Kei te rapu mātou i ētahi kaiako wharekura, kounga nui, pūkenga rau ki te whakakī i tō mātou tīma. E whitu pea ngā tūranga e wātea ana. Kei te tūwhera mātou ki te whakaranu i ētahi tūranga me he take.

Reo Pākehā ki ngā teina (0.5 FTTE) Tau 9 - Tau 10

Ngā Toi (1.0 FTTE) Wharekura (ka āwhina i ngā kaiako kura tuatahi)

Hākinakina (1.0 FTTE) Wharekura (ka āwhina i ngā kaiako kura tuatahi)

Ngā Kōrero o Mua / Tikanga Tangata (1.0 FTTE) Wharekura whānui

Hangarau (1.0 FTTE) - ahakoa te momo hangarau

Pūoro (1.0 FTTE) Wharekura (ka āwhina i ngā kaiako kura tuatahi)

Pūtaiao (1.0 FTTE) Tau 7 - Tau 10

Tuatahi - me pukenga te tangata, me matatau ki te reo Māori me pēhea hoki te kawe i tana kaupapa i roto i te reo Māori ki nga tamariki, mō ngā tamariki. Nā reira, me ngākau nui tēnei hunga ki nga tamariki, taiohi nei.

Tuarua - he pai mehemea he tohu whakaako tōna heoi, he mea tērā e tāea te whai a tōna nei wā. He pai hoki mehemea e mārama ana ngā tāngata ki te whakatinanatanga o Te Aho Matua me ngā kawenga mō te NCEA.

Kei te hanga kura hou mātou nā reira, piri mai ki te tira hou e whakaritea ana mō te anamata o Ngā Mokopuna. He nui te āwhina kei kōnei, he nui hoki te tautoko me te aheinga kia whai whakangungu mō ngā kaupapa e hia nei.