TKKM o Huiarau Bay of Plenty

Kaiwhakahāere whanau taina (HOD) / kaiako Tau 7-8

ti Rearea Teitei Kahikatea Ka Taea - Tōku Ora Tōku Tūhoetanga 

He karanga tēnei ki nga mea o te kāinga e noho atu ana i waho kia hoki mai, ki te hunga rānei e ngākaunui ana ki te kaupapa i Huiarau. Ko tā Huiarau kaupapa i nga tau te whai ake nei kia tūhono ano tātau katoa ki a Te Urewera i runga i te whakaaro ‘Ko koe, ko Au, ko Tāua’ Me hoki ano nga akoranga ki te taiao, kia riro ma nga tairongo te tamaiti e akohia. ‘To understand the living system of Te Urewera and to take our place within this living system’ He akoranga nui tēnei mo te katoa, a, ēhara hoki i te mea me matua mōhio te kaitono ki te hāereere i te taiao, ki nga āhuatanga rānei o Te Urewera, ko te mea nui kē hoki kia ngākaunui te kaitono ki te ako i ēnei āhuatanga me te whai i tēnei kaupapa. 

Ko tōna tūāpapa ko te reo me ōna tikanga. Ko ta te kaitono kia mōhio ki te mahi a te kaiako, e tāea e ia te tuitui i nga āhuatanga o Te Marautanga o Aotearoa ki nga akoranga o te taiao. Kia mōhio hoki te kaitono ki te whakahāere tima kaiako e tutuki ai nga whāinga me nga whakamaheretanga. Ehara i te mea ka waihotia te kaiako me tōna kotahi ki te kawe i te kaupapa nei, engari, ma te katoa. Kua oti i a Huiarau te whakatakoto i tāna marau. He maha nga mātanga hai whakapakari i nga kaiako. Kai te waihangahia hokihia nga rauemi tautoko pēnei i te papakupu o Ruatahuna. 

Tēna e ngākaunui ana koe ki tēnei kaupapa, a, e tāea hoki e koe te ako i tēnei reanga, tukuna mai to tono.